வாக்கி – டாக்கி தாக்குதலுக்கு உத்தரவிட்டதை ஒப்புக்கொண்ட நெதன்யாகு!

இஸ்ரேலின் பிரதமர் பெஞ்சமின் நெதன்யாகு, லெபனானில் பேஜர் மற்றும் வாக்கி-டாக்கி சாதனங்களை கொண்டு நடத்தப்பட்ட தாக்குதல்களுக்கு தானே ஒப்புதல் அளித்ததாக உறுதிப்படுத்தியுள்ளார். லெபனானில் கடந்த செப்டம்பர் மாதத்தில் நடந்த இந்த தாக்குதல்களில் 40 பேர் கொல்லப்பட்டனர், மேலும் 3000-க்கும் மேற்பட்டோர் காயமடைந்தனர்.

இஸ்ரேல் முதலில் இந்த தாக்குதல்களைப் பற்றி எதுவும் கூறாமல் இருந்தது. ஆனால், இப்போது நெதன்யாகு தாம் அனுமதி அளித்தே இந்த தாக்குதல்கள் மேற்கொள்ளப்பட்டதாக கூறியுள்ளார். இது, ஹெஸ்புல்லா அமைப்பின் தலைவர் ஹசன் நஸ்ரல்லாவை குறிவைத்து நடத்தப்பட்ட தாக்குதலின் பின்புலத்தை வெளிப்படுத்தியுள்ளது.

இந்த நடவடிக்கைகள் அமெரிக்க அதிபர் டொனால்டு ட்ரம்ப் வெற்றி பெற்ற பிறகு அவருடன் இது தொடர்பாக நெதன்யாகு 3 முறை பேசிவிட்டதாகவும் குறிப்பிட்டுள்ளார். இதனிடையே, அக்டோபர் 7, 2023 அன்று ஹமாஸ் இயக்கம் இஸ்ரேலின் மீது தாக்குதல் நடத்தி, அங்குள்ள 1,200-க்கும் மேற்பட்டவர்களை கொன்று, பலரை காசாவுக்கு கடத்திச் சென்றது. இதற்கான பதிலடி நடவடிக்கையாக இஸ்ரேல் லெபனானின் ஹெஸ்புல்லா ஆதரவு அமைப்புகளைச் சித்ரவதைக்கு உள்ளாக்க முடிவு செய்துள்ளது.

இந்த நடவடிக்கைகளில் லெபனானில் இதுவரை 3,000-க்கும் மேற்பட்டோர் உயிரிழந்துள்ளனர், மேலும் காயமடைந்தோரின் எண்ணிக்கை 13,000-ஐ கடந்துள்ளது.